Bul týraly Qasym-Jomart Toqaev prezıdent ákimshiligi basshylyǵymen 2020 jylǵy jumystardyń basym baǵyttary jóninde jıyn barysynda aıtty, dep jazady Qamshy.kz aqparat agenttigi Aqorda saıtyna silteme jasap.
Jıynda elimizdiń áleýmettik-ekonomıkalyq, qoǵamdyq-saıası damýy men syrtqy saıasat jónindegi máseleleri talqylandy. 2020 jylǵa josparlanǵan negizgi is-sharalar tizbesi qaraldy.
Abaıdyń 175 jyldyǵy men Ál-Farabıdyń 1150 jyldyǵyn atap ótýdi uıymdastyrý sharalary da pysyqtaldy.
Abaı eli - Semeıde mereıtoıǵa jan-jaqty daıyndyq júrip jatyr. Shahardy abattandyryp, kóshelerdi kórkeıtý jumystaryna basqa da óńirler úles qosýǵa tilek bildirgen. Ázirge jalpy quny 9,5 mıllıard teńge bolatyn birneshe joba maquldanǵan.
Máselen, Almaty qalasy men Túrkistan oblysy jańa meshit mańaıyn abattandyrýǵa kúsh salmaq.
Al Almaty oblysy Áýezov dańǵylynyń boıynan jaıaý júrginshiler úshin «Abaı joly» dep atalatyn jobany júzege asyrady.
Batys Qazaqstan oblysy Áýezov alańyn qaıta jańǵyrtady. Bul jumystarǵa memleket qazynasynan bólek kásipkerler qarjysy da tartylady dep kózdelgen.
Pikir qaldyrý