Áleýmettik jelide "Qytaıda shyǵý tegi belgisiz, qaýipti indet tarady" degen aqparat qyzý talqylanyp jatyr. Alaıda atalmysh aqparat resmı túrde rastalmaǵan. 

Taýarlar men qyzmetterdiń sapasy men qaýipsizdigin baqylaý komıtetiniń resmı ókili Erjan Baıtanaevtyń habarlaýynsha, jeltoqsan aıynyń sońynan bastap Hýbeı provınsıasynyń Ýhan qalasynda (Qytaı) resmı túrde halyqtyń etıologıasy anyqtalmaǵan pnevmonıamen aýyrýynyń 44 jaǵdaıy tirkelgen.

Bul týraly Qamshy.kz aqparat agenttigi tengrinews.kz saıtynyń deregin negizge alyp habarlaıdy.

"Infeksıa qozdyrǵyshy osy ýaqytqa deıin anyqtalmaǵan. Kóptegen jaǵdaı qalalyq jańa teńiz ónimderi bazarymen baılanysty, onda qustyń ár túri, qoıan, jylan jáne basqa da baýyrymen jorǵalaýshylar satyldy", - dep túsindirdi ol. 

"Osyǵan baılanysty osy elge sapardy josparlaý kezinde Qytaıda shyqqan belgisiz pnevmonıamen aýyrý jaǵdaılary týraly aqparatty nazarǵa alýdy suraımyz", - dep tolyqtyrdy Erjan Baıtanaev. 

Búginde Nur-Sultan qalasynan Beıjiń, Saná jáne Úrimshi qalalaryna, Almatydan Beıjiń, Saná, Haıkoý, Sıan jáne Úrimshi qalalaryna tikeleı áýe reısteri júrip jatyr.

QHR-ǵa baratyn tulǵalarǵa komıtette respıratorlyq ınfeksıalardyń aldyn alýdyń negizgi sharalaryn saqtaýdy usyndy:

• Jiti respıratorlyq juqpalar belgileri bar adamdarmen baılanysýdan saqtaný.
• Jıi qoldy jýý, ásirese naýqas adamdarmen nemese olardyń ortasymen tikeleı baılanysqannan keıin 
• Fermalardaǵy janýarlarmen nemese jabaıy janýarlarmen janasýdan aýlaq bolý.
• Jedel respıratorlyq ınfeksıa sımptomdary paıda bolǵan kezde medısınalyq kómekke júginińiz.