Bul týraly Demokratıalyq partıa qurýǵa yntaly bastamashyl top jetekshisi Janbolat Mamaı óziniń áleýmettik jelidegi paraqshasynda habarlady.

"Qurmetti aǵaıyn!

26 jeltoqsan kúni QR Ádilet mınıstrligi Demokratıalyq partıany qurý boıynsha bastamashyl toptyń tizimin rastady.

"Saıası partıalar týraly" zańyna sáıkes, bul tizim rastalǵan kúnnen eki aıdyń ishinde uıymdastyrý komıteti partıanyń quryltaı sezin ótkizýi tıis.

Osyǵan oraı, Demokratıalyq partıany uıymdastyrý komıteti 2020 jyldyń 22 aqpanynda, saǵat 11:00-de, Almaty qalasy, "Almaty Hall" meıramhanasynda (Abylaı han kóshesi 125, Jambyl kóshesiniń qıylysynda) partıanyń quryltaı sezin (konferensıa) ótkizetinin habarlaıdy.

Bul jıynǵa Demokratıalyq partıany qoldaýshy bastamashyl top ókilderin, qoǵam belsendilerin, jýrnalıserdi jáne Qazaqstannyń patrıot azamattaryn shaqyramyz!

Demokratıalyq partıanyń quryltaı sezine qatysamyn degen azamattardyń qosymsha suraqtary bolsa, myna telefonǵa habarlasýǵa bolady: +7 747 644 2979

Almatydaǵy uıymdastyrý komıtetiniń meken jaıy: 8-yqshamaýdan, úı 4a, 405 kabınet" delingen qoǵam belsendisiniń jazbasynda.