Atyraý qalasynyń ákimi Alımuhammed Quttumuratuly óz erkimen qyzmetinen ketti. Bul týraly Atyraý qalasy ákimdiginiń baspasóz qyzmeti habarlady.

"14 qańtar kúni qalalyq ákimdiktiń májilis zalynda ótken jıyn barysynda Atyraý qalasy ákimi Alımuhammed Quttumuratuly áripesterine rızashylyǵyn bildirip óz erkimen qyzmettik ýákilettigin toqtatatynyn málimdedi", - delingen ákimdik habarlamasynda.

36 jastaǵy Quttumuratuly Atyraý qalasy ákimi qyzmetin 2018 jyldyń maýsymynan bastap atqarǵan bolatyn. 2008 jyly memlekettik qyzmetke kelgen ol Batys Qazaqstan oblysy ákiminiń orynbasary, Atyraý oblysy ákimi apparatynyń jetekshisi qyzmetterin atqardy. Atyraý oblysynyń Jylaoı jáne Mahambet aýdandaryn basqardy. 

Ákimdik baspasóz qyzmetiniń habarlaýynsha, Quttymuratulynyń óz erkimen qyzmetinen ketýine baılanysty Atyraý qalasy ákiminiń mindetin qala ákiminiń orynbasary Rınat Janǵylyshov atqaratyn bolady.