Qazaqstannyń ulttyq ekonomıka mıınstrligine qarasty statısıka komıteti 2019 jylǵy Qazaqstandaǵy eń tanymal esimderdi jarıalady.

Komıtettiń málimetinshe, 2019 jyly sábılerge Álıhan men Raıana esimderi jıi qoıylǵan.

Uldar arasynda Álıhan esimi 3 816 balaǵa berilgen. Odan bólek, Aısultan (3033) jáne Nurıslam (2304) esimderi sońǵy 4 jyldan beri eń tanymal esimder qatarynan túspeı keledi. Ámir (2227), Álınur (2130), Ramazan (1999), Álı (1915), Islam (1634), Aldıar (1601), Sanjar (1588) esimderi de ótken jyly jıi qoıylǵan.

Qyzdar arasynda Raıana (5 151), Medına (4 924) jáne Aızere (3 908) esimderi kósh bastap tur. Sonymen birge, Aısha (3 823), Aıala (3 607), Asylym (3 285), Aıarý (3 014), Ámına (2 915) jáne Káýsar (2 309) esimderi de kóptep qoıylǵan.