"Qalmuhanbet Nurmuhanbetuly Qasymov Qazaqstan Respýblıkasy Memlekettik kúzet qyzmetiniń bastyǵy bolyp taǵaıyndalsyn" delingen jarlyq mátininde.

Qalmuhanbet Qasymov 1957 jyly 18 mamyrda Almaty oblysynda dúnıege kelgen. 1979 jyly S.Kırov atyndaǵy Qazaq memlekettik ýnıversıtetiniń zań fakúltetin bitirgen.

1979-2005 jyldary ishki ister organdarynyń jedel-tergeý bólimshelerinde qyzmet atqarǵan (Almaty q., Astana q. jáne Almaty oblysy). 2005-2009 jyldary – Qazaqstan Respýblıkasynyń İshki ister vıse-mınıstri, birinshi vıse-mınıstri. 2009-2011 jyldary – Shyǵys Qazaqstan oblysynyń İshki ister departamenti bastyǵy. 2011-2019 jyldary – Qazaqstan Respýblıkasynyń İshki ister mınıstri. 2019 jylǵy 12 aqpanda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy bolyp taǵaıyndaldy. «Dańq» ordeniniń kavaleri. Polısıa general-polkovnıgi.