Qazaqstan prezıdenti Qasym-Jomart Toqaevtyń jarlyǵymen Ábilqaıyr Ysqaqov Pavlodar oblysynyń ákimi bolyp taǵaıyndaldy. Bul týraly Aqorda saıty 21 qańtarda habarlady. Buǵan deıin Pavlodar oblysynyń ákimi bolǵan  Bolat Baqaýov prezıdent jarlyǵymen qyzmetinen bosatyldy. 

46 jastaǵy Ábilqaıyr Ysqaqov 2019 jyldyń sáýir aıynan beri qarjy mınıstrliginde qarjylyq baqylaý komıtetiniń tóraǵasy bolǵan. Oǵan deıin ol Nur-Sultanda memlekettik kirister departamentin basqarǵan. Kóbine  qarjy, salyq salasynda qyzmet etken. Ysqaqov Pavlodar oblysynyń týmasy.

2016 jylydyń naýryz aıynan beri Pavlodar oblysynyń ákimi bolǵan Bolat Baqaýov 17 qańtarda “jemqorlyq kúdigimen” eki aıǵa qamaýǵa alynǵan. Oǵan qyzmetin asyra paıdalaný baby boıynsha aıyp taǵylǵan. Oǵan bultartpas sharasyn qoldaný týraly ótken sotta Baqaýovtyń qyzmetin asyra paıdalanyp, týysqanynyń kompanıasynyń zań buzǵanyn jasyrý úshin salyq organdaryna qysym jasaǵany aıtyldy. Baqaýov bul aıyptardy moıyndaǵan joq.