20 qańtarda Qazaqstan Parlamenti májilisiniń eks-depýtaty, saıasattanýshy Kamal Býrhanov ómirden ótti. Bul aqparatty Parlament senatynyń depýtaty Murat Baqtıaruly feısbýktegi paraqshasynda habarlady. Onyń jazýynsha, Kamal Býrhanov eki jyldan beri tósek taratyp aýyryp jatqan.

Kamal Býrhanov 1954 jyly 31 naýryzda Tashkent oblysy Iangıúl aýdany Shýrolısaı aýylynda týǵan. Tashkent memlekettik ýnıversıtetin, Máskeý memlekettik áleýmetik ýnıversıtetin bitirgen. Saıası ǵylymdarynyń doktory, profesor. Eńbek jolyn 1977 jyly Á.Qasteev atyndaǵy óner mýzeıiniń ǵylym qyzmetkeri bolyp bastaǵan ol, 2007 jylǵa deıin túrli laýazymdaǵy qyzmetterdi abyroımen atqarǵan. Ol 2007-2011, 2012-2016 jyldary májiliste depýtat boldy.