Qaraǵandy oblysynyń polısıasy Jezqazǵandaǵy Qazaqmys korporasıasynyń kásipornynda bolǵan jaǵdaı týraly aıtty dep jazady Qamshy.kz aqparat agenttigi sputniknews.kz saıtynyń deregin negizge alyp.
Polısıanyń málimetine sáıkes, seısenbi, 21 qańtar kúni keshki saǵat 18:20-da "Qazaqmys" korporasıasy" JSHS bas dırektory Amangeldi Miniǵulov pen "Kásip qorǵan" kásipodaǵynyń tóraǵasy Toǵyzbaı Tájbenov arasynda janjal shyqqan. Tájbenov Miniǵulovtyń arqasyna pyshaq suǵyp alǵan. Sondaı-aq, arasha túsken "Qazaqmys" korporasıasynyń mamany Sabyrjan Tembaevtyń da keýde tusynan jaraqat salǵan.
Kýágerlerdiń aıtýynsha, budan soń Tájbenov oqıǵa ornynda óz-ózine qol jumsaǵan. Miniǵulov pen Tembaev aýrýhanaǵa tústi. Oqıǵaǵa qatysty tergeý júrgizilip jatyr.
Pikir qaldyrý