Ótken jyly Qazaqstannyń ekonomıkalyq ósimi 4,5 paıyzdy qurady. Bul týraly búgin, 24 qańtarda Úkimettiń keńeıtilgen otyrysynda Qazaqstan prezıdenti Qasym-Jomart Toqaev aıtty, dep habarlady Qazaqparat. 

Qazaqparattyń jazýynsha, Toqaev ótken jyly Qazaqstan ekongmıkalyq ósim boıynsha jaqsy kórsetkishterge jetkeni aıtqan.

– Byltyr jaqsy kórsetkishterge qol jetkizdik. Atap aıtsaq, ekonomıkalyq ósim 4,5 paıyz boldy. Ekonomıkanyń negizgi salalarynda ósý qarqyny baıqaldy. Bul kórsetkishterdiń barlyǵy halyqtyń turmys sapasyna oń yqpal etedi. Saılaýaldy tuǵyrnamada aıtylǵan mindetterdi oryndaýymyz kerek, – dedi prezıdent.

Toqaevtyń atap ótýinshe, bul eldiń ornyqty damýyna, halyqyqtyń ál-aýqatyn arttyrýǵa zor serpin beredi.

– Qazir osy baǵytta atqarylǵan jumystarǵa toqtalyp, aldaǵy jospardy talqylaımyz. Basty maqsat – qolda bar múmkindikterdi, áleýetimizdi tolyq paıdalaný, – dedi Toqaev.