QR SİM-niń resmı ókili Aıbek Smadıarov «birqatar memleket óz stýdentterin Qytaı Halyq Respýblıkasynan shyǵaryp alyp jatyr» degen aqparatty joqqa shyǵardy. Ol is júzinde Qytaı eshbir elge óz azamattaryn áketýge ruqsat bermegenin aıtty, dep habarlaıdy zakon.kz.
"Jańa vırýs taraǵan Ýhannan birqatar memleket, onyń ishinde Ózbekstan men AQSH óz azamattaryn evakýasıalaǵaly jatyr" degen aqparat BAQ betterinde jarıalandy.
QR Syrtqy ister mınıstrliginiń resmı ókili Aıbek Smadıarov karantın engizilgenge deıin mınıstrlik osy qaladaǵy qazaqstandyqtardyń sany týraly aqparat jınap, túrli senarıge daıyn bolǵandyǵyn aıtady. Biraq Qytaı bıligi Ýhandy jaýyp tastap, qazir odan eshkimdi shyǵarmaı jatyr.
QHR-daǵy qazaqstandyq dıplomattar basqa elderdiń elshilikteri sıaqty qazaqstandyqtardy evakýasıalaý joldaryn qarastyrýdy bastady. Karantın jarıalaǵan alǵashqy kúni-aq olar Qytaı tarapyna osyndaı múmkinshilik berý týraly tıisti hattar joldady.
Pikir qaldyrý