Aspan asty elinde koronavırýsty juqtyrǵandardyń sany 2744-ke jetti.  Al juqpaly aýyrýdan kóz jumǵandardyń qatary 80 adam.

Bul týraly «Qamshy.kz» aqparat aganttigi «RIA Novostı» deregin negizge alyp jazady.

Osy rette, Qytaıdyń densaýlyq saqtaý máseleleri jónindegi memlekettik komıteti bir táýliktiń ishinde jańa koronavırýstan qaıtys bolǵan adamdardyń artqanyn málimdedi.

«Qazirgi kezde 461 adam aýyr halde jatyr. 51 adam aýrýhanadan shyqty. Jalpy, aýrýǵa shaldyqqandardyń sany shamamen 5794-ke jetti degen boljam bar. Statısıkaǵa sáıkes, 8 oqıǵa – Gonkong, 7-ýi – Makao, 4-ýi Taıvanda boldy» delingen komıtettiń resmı málimdemesinde.

Dertten kóz jumǵandardyń kóbisi Hýbeı provınsıasynyń turǵyny, sońǵy málimete qaraǵanda, ol jerde 76 adam kóz jumdy. Bul ólkede aýyrý  juqtyrǵandardyń sany shamamen 1500 adamǵa jýyqtaǵan.

Osylaısha, alǵashqy vırýs núktesi – Ýhanda qalaǵa kirip-shyǵý shekteldi, qoǵamdyq kólik pen kóptegen qalalyq nysandardyń jumysy toqtatyldy. Basqa elder áýejaılarda qosymsha tekserister engizip jatyr.

Ázirge Karantın jarıalanǵan qalalar arasynda Chıbı (534 myń adam), Echjoý (1,08 mıllıon adam), Hýangan (7,5 mıllıon adam), Sántao (1,6 mıllıon adam), Chjıszán (550 myń adam), Sánszán (963 myń adam), Hýanshı (2,7 mıllıon adam), Enshı (809 myń adam) men Sánnın (2,5 mıllıon adam) bar.