İshki ister mınıstriniń birinshi orynbasary Marat Qojaev elimizde ýaqytsha tirkeýde turǵan EAEO elderinen ákelingen kólikterge arnaıy nómir beriledi dep málimdedi.

Qojaevtyń aıtýynsha, sheteldik nómir taqqan kólikter úshin 2021 jyldyń 1 naýryzyna deıin kedendik jáne ýtılızasıalyq alymdy tólemeýge ruqsat beriledi. 

"Máselen, Qazaqstan azamaty Armenıada kólik satyp alyp, tehnıkalyq tólqujatty óz atyna jazsa, óz kóligin tirkeýge qoıa alady. Al kedendik jáne ýtılızasıalyq alymdy tóleý mindeti 2021 jyldyń 1 naýryzyna deıin shegeriledi. Al Qazaqstan azamaty kólikti Reseıden alyp, senimhatpen júrgizse, kórshi elge baryp, tirkeýden shyǵarýy tıis. Sóıtip, bir rettik aksıaǵa qatysa alady", - dedi Qojaev OKQ brıfıńinde.

Ýaqytsha tirkeý úshin qajetti qujattar: 

• jeke kýálik;
• burynǵy nemese tranzıttik tirkeý nómirleri;
• kólik quralyn tirkeý týraly kýálik;
• menshik ıesi týraly qujattar;
• alǵashqy tirkeý salyǵyn tólegeni týraly túbirtek;
• memlekettik nómir men tehnıkalyq tólqujatty jasaý úshin salyq tólegeni týraly túbirtek.

"Bul avtomobılderge arnaıy serıa men túrdiń memlekettik nómiri beriledi, al tehpasportqa atalǵan kólikti tirkeý sharttary týraly tıisti belgi engiziledi. İİM sary fonda nómir úlgisin shyǵardy. 18 sıfry. Sonymen qatar, tehpasportta 2021 jyldyń 1 naýryzyna deıin áreket etý kúni kórsetiledi", - dedi mınıstr. 

"Eger azamatqa mundaı múmkindik berilse jáne ol 2021 jyldyń 1 naýryzyna deıin tólemese, keshirińiz, onyń qujattary 1 naýryzda aıaqtalady jáne memlekettik nómiri zańsyz bolady", - dep málimdedi İshki ister mınıstriniń birinshi orynbasary.