Memleket basshysy Qasym-Jomart Toqaevtyń tapsyrmalaryn oryndaý aıasynda úsh zań qabyldanady. Olar – jańa redaksıadaǵy "Tehnıkalyq retteý týraly" zań, Búdjet kodeksine ózgerister engizý jáne Densaýlyq kodeksi, dep habarlaıdy sputniknews.kz.

Ulttyq ekonomıka mınıstri Rýslan Dálenovtyń aıtýynsha, úkimettiń keńeıtilgen otyrysynda prezıdent ekonomıkany kóterý jáne halyqtyń tabysyn arttyrýǵa 80-nen astam tapsyrma berdi. Olar: "Tehnıkalyq retteý týraly" zań, Búdjet kodeksine ózgerister engizý jáne Densaýlyq kodeksi.

Sonymen qatar, úsh baǵdarlamalyq qujat bekitiledi. Olar: "Aqsha-kredıt saıasaty" strategıasy, "Saýda saıasaty" baǵdarlamasy jáne "Sý resýrstaryn basqarý" baǵdarlamasy bar.

"Memleket basshysynyń árbir tapsyrmasyn mazmundy jáne jedel pysyqtaý qajet. Osyǵan baılanysty, Asqar Uzaqbaıuly sizdiń basshylyǵyńyzben úkimette jumys tobyn qurý usynylady. Jumys toby sheńberinde 10 shaǵyn top bolady. Memlekettik organdardyń birinshi basshylary shaǵyn toptardy basqarady jáne olarǵa derbes jaýapkershilik júkteledi", - dep málimdedi Dálenov.

Atalǵan jumysqa sarapshylar men kásipkerler tartylady. Árbir shaǵyn toptyń sheńberinde memleket basshysynyń tapsyrmalaryn is júzinde oryndaýǵa baǵyttalǵan naqty sharalar ázirlenedi. Atap aıtqanda, 1 shildege deıin  Búdjet kodeksine ózgerister engiziledi.