QR Ulttyq ekonomıka mınıstri Rýslan Dálenov Dýbaıda ótetin Ehro 2020 kórmesine qatysýǵa bólinip qoıǵan qarajat kólemi qaıta qarastyrylýy múmkin ekenin aıtty. 

Rýslan Dálenov úkimette ótken baspasóz jıynynda Dýbaıdaǵy kórmege qatysty qoıylǵan suraqqa jaýap berdi. 

"Osy jáne basqa da suraqtardy, ásirese osy suraqty bizdiń komısıa qarastyrady. Bul shyǵyndardyń tıimdiligi, bizge ne beretini men elge qanshalyqty ınvestısıa tarta alatyny komısıada qaralady. Eger komısıa bul shyǵyndardyń tıimsiz ekenin dáleldep jatsa, durys sheshim qabyldanady. Jalpy, biz endi árbir forýmǵa bólinetin aqshanyń tıimdiligin qarastyratyn bolamyz", - dedi mınıstr. 

Mınıstrdiń sózinshe, Qazaqstannyń Dýbaıdaǵy Expo 2020 kórmesine qatysýy tıimdi ekenin saýda mınıstrligi dáleldeýi tıis.