"Kórip otyrǵandaryńyzdaı, bizdiń qyzmettik top tynymsyz eńbek etýde. Sondyqtan biz qarly boran kezinde úsh aýysymdyq rejımde jumys atqarǵan komýnaldyq qyzmetkerlerge syıaqy beremiz dep sheshtik, – dedi Kólginov.

Ákimniń sózinshe, elordada qar tazalaý jumystaryna 1,7 myńǵa jýyq komýnaldyq qyzmet ókili men 1,5 myńǵa jýyq qar tazalaǵysh tehnıka jumyldyrylǵan.

Elorda ákimdiginiń habarlaýynsha, qańtardyń  28-inen 29-na qaraǵan túni qaladan 29 myń tekshe metrge jýyq qar shyǵarylǵan. Bul úshin komýnaldyq qyzmetkerlerge 2,4 myńǵa jýyq reıs jasaýǵa týra keldi.

"Árbir istiń artynda komýnaldyq qyzmetkerlerdiń orasan zor eńbegi jatyr. Biraq áli de qar azaıar emes. Tazalaǵannan keıin 15 mınýt ishinde ol jerdi qaıta tazalaýǵa týra keledi. Degenmen biz jumys jasaýdy toqtatpaımyz, – dedi elorda ákimi.