Buǵan deıin bilim berýdi damytý týraly eki baǵdarlama da oryndalmady. Saýatsyzdyqtyń beleń alýy men jalpy bilim sapasynyń tómendeýin toqtatatyn daǵdarysqa qarsy sharalar dereý ázirlenýi qajet. Bul týraly májilistegi halyq komýnıseri fraksıasynyń músheleri úkimet basshysyna depýtattyq saýal joldaý barysynda málim etti, dep jazdy zakon.kz.

– Sońǵy reıtıńtiń kórsetkishterine nazar aýdarsaq, bilim salasy aıtarlyqtaı tómen nátıje kórsetýde. Matematıka boıynsha Qazaqstan 78 eldiń ishinde 54-orynda, jaratylystaný jáne oqý saýattylyǵynan 69-orynda. Aqparattyq, kompúterlik (ICILS) jáne eresekterdiń saýattylyǵy (PIAAC) boıynsha eń tómengi deńgeıdemiz, – dedi depýtat Aıqyn Qońyrov.

Onyń sózinshe, Qazaqstanda adam kapıtaly damýdyń ornyna keri ketip jatyr.
– Aýyldyq jerlerde de, óndiriste de jas mamandardy daıarlaý deńgeıiniń tómendeýi – eń ótkir problema. Adam kapıtalynyń ekonomıkanyń turaqtylyǵyna qosatyn úlesi orazan zor. Qazaqstan 2019 jyly jahandyq ınovasıalar ındeksinde 79-orynǵa ıe boldy. 2018 jylmen salystyrǵanda 5 pozısıadan aıyrylǵan, – dedi Qońyrov.

Komýnıserdiń pikirinshe, osy arqyly memlekettiń ózi daryndy jastardyń shetelge ketýin yntalandyryp otyr.

Kóptegen ata-analar bilim berý júıesiniń degradasıa dárejesin túsinip, balalaryn Qazaqstannan tys memleketterge jiberedi.

– Biz ózimizdi oılaımyz dep el bolashaǵyna alańdamaımyz, urpaǵymyz úshin basty qundylyq – bilim berý mádenıetin joıýǵa múmkindik beremiz, – dep atap ótti depýtat.