Qazaqstandyq 20 azamat Gýanchjoý men Qulja qalalarynda bolyp qaıtqan. Olar Panfılov aýdanynda ornalasqan "Nur joly" pýnktinen shekaradan ótipti. Teplovızor quralymen tekseris barysynda eki azamattyń dene qyzýy kóterilip turǵany anyqtalǵan, dep jazady ktk.kz.

"Olar dereý túrde basqalarynan alshaqtatylyp, Panfılov aýdany aýrýhanasynyń ınfeksıalyq bóliminiń arnaıy boksyna ornalastyryldy. Dárigerler saraptamalyq jumystar júrgizýde. Buǵan qosa avtobýsta bolǵan taǵy 19 adam baqylaýǵa alynyp, gospıtálǵa jatqyzyldy", - delingen resmı habarlamada.

Buǵan deıin Syrtqy ister mınıstriniń orynbasary Qazaqstan Qytaımen shekarany jaba almaıtyndyǵy týraly málimdegen edi.

Olardyń dereginshe, Qytaıda 1300 qazaqstandyq azamat júr.