Qytaıda koronavırýsty juqtyrǵandardyń jalpy sany 17 205 adamǵa jetip, 361 adam qaıtys boldy. Jańartylǵan málimetterdi Qytaı Memlekettik densaýlyq saqtaý komıteti habarlady, - dep jazdy  Qamshy.kz aqparat agenttigi RIA Novostı saıtyna silteme jasap.

Aqpannyń ekisinen úshine qaraǵan túni Memlekettik densaýlyq saqtaý komıtetine 17 provınsıadan koronavırýstyń jańa túrinen týyndaǵan vırýsty juqtyrǵan 17 205 adam týraly aqparat kelgen. Olardyń ishinde 2296 adamnyń aýyr halde jatqany, 361 adamnyń  qaıtys bolǵany, 475 adamnyń aýrýhanadan shyǵarylǵany anyqtaldy.

Ótken táýlikte aýrýdyń jańa túrin juqtyrdy degen 2829 adam tirkelgen. Sonymen qatar, ınfeksıanyń 15 jańa túri Gonkongta, Makaoda - 8, Taıvanda - 10 tirkeldi.

Koronavırýstyń jańa túrin juqtyrdy degen 21,558 adam dárigerler qaraýynda. Qazirgi ýaqytta naýqastarmen tyǵyz baılanysta bolǵan 152,7 myń adam baqylaýda.