Qaraǵandy men Tarazda lańkestikke qatysy bar degen kúdikpen bes adam ustaldy, - dep jazady Qamshy.kz aqparat agenttigi Ulttyq qaýipsizdik komıtet baspasóz qyzmetiniń deregin negizge alyp. 

UQK deregine súıensek, ustalǵandar destrýktıvti dinı aǵymnyń erýshileri bolyp tabylady. Olardyń barlyǵy aýyr jáne asa aýyr qylmys jasaǵany úshin buryn sottalǵan. Sot sanksıasymen olar eki aıǵa qamaýǵa alyndy.

"Terrorıstik top qurý, oǵan basshylyq etý jáne onyń áreketine qatysý" (QR Qylmystyq kodeksiniń 257-baby), sondaı-aq "Terorızmdi nasıhattaý nemese terorızm aktisin jasaýǵa jarıa túrde shaqyrý" (QR QK 256-baby) derekteri boıynsha qylmystyq is qozǵaldy", - delingen UQK habarlamasynda.

Tergeý boljamy boıynsha, top Qazaqstan aýmaǵynda, sonyń ishinde adamdar kóp jınalatyn jerlerde terorıstik aktiler jasaý maqsatynda qurylǵan. Tergeý jalǵasady.