Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasynyń orynbasary Jandarbek Bekshın Qazaqstanda koronavırýs juqtyrdy degen kúdikpen 46 adam aýrýhanada jatqandyǵyn málimdedi. 

"Munda másele 6 qańtardan bastap Qytaıdan kelgen adamdar týraly. Qazirgi tańda, oqshaýlanǵan bokstarda 89 adam jatyr, olardyń qyzýy bar jáne JRVI-ǵa shaǵymdanǵan, stasıonarlarda 46 adam qalyp otyr, 43 adam shyǵaryldy. Biz barlyǵynan synama alyp, Almatydaǵy ortalyqqa jiberemiz", - dep habarlady Bekshın.

Komıtet tóraǵasynyń aıtýynsha, qańtardyń 30 kúni koronavırýs juqtyrdy degen kúdikpen  38 adam aýrýhanaǵa jatqyzylǵan. Al, 31 qańtarda bul kórsetkish 41-ge jetken. 

İndettiń tez taralýyna baılanysty Qazaqstan shekaradaǵy jáne áýejaıdaǵy baqylaýdy kúsheıtken.