Áleýmettik jelilerde koronavırýsqa baılanysty kóptegen aqparattar tarap jatyr. Onyń ishinde jalǵan aqparattar da kezdesedi. Osy tusta Densaýlyq saqtaý mınıstrliginiń resmı ókili Dıas Ahmetshárip qaýipti indet týraly jalǵan aqparat taratpaýdy surady. 

«Qorqynysh týdyratyn habar taratýdy toqtatyńyzdar. Olardyń bári qaýesetke toly ekenin taǵy da eskertemiz. Adamdardy shatastyrý jaqsylyqqa aparmaıdy. Sondyqtan da resmı aqparattarǵa ǵana súıenińizder. Halyqaralyq uıymdar koronavırýs týraly 200-ge jýyq jalǵan aqparatty tirkedi. Qaýesetter men jalǵan aqparattardy taldaı otyryp, olardyń shyndyqqa janaspaıtynyn aıqyn dáleldegen jýrnalıser men blogerlerge alǵysymyzdy bildiremiz», – dedi Ahmetshárip brıfıńte.

Sondaı-aq, ol densaýlyq saqtaý mınıstrliginiń resmı ókili bolyp taǵaıyndalǵanyn aıtyp, kúndelikti jaǵdaıdy halyqqa túsindirip otyratynyn málimdedi. Jeli qoldanýshylar men BAQ ókilderinen jalǵan aqparat taratpaýǵa shaqyrdy.