Túrkistan oblysynda aýyl ákimi qyzmet ornynda qumar oıyn uıymdastyrǵany úshin tártiptik jazaǵa tartylady, dep habarlaıdy ktk telearnasy.
Jergilikti turǵyn Shardara aýdanyna qarasty Qaýysbek Turysbekov aýyldyq aımaǵynyń ákimi Álibek Seıdalıevtiń óz kabınetinde karta oınap otyrǵan sátin vıdeoǵa túsirip alǵan.
Ázirge ákim men onyń janyndaǵy adamdar qandaı oıyn jáne qandaı báspen oınaǵany belgisiz.
Qumar oıyn oınaǵan ákim kinásin birden moıyndap, oblystyq tártiptik keńesten bir-aq shyqty. Ol mundaı keleńsiz jaǵdaılar endi qaıtalanbaıdy dep aqtalǵanymen, keńes músheleri oǵan senbeı otyr.
Endi ony aýyl ákimi qyzmetine saı emes dep tanyp, aýdan basshylyǵyna tıisti shara qoldanýdy tapsyrdy.
Pikir qaldyrý