Bul týraly Qamshy.kz aqparat agenttigi QazAqparat saıtyna silteme jasap habarlaıdy.

«Ol osy problemaǵa nazar aýdartý úshin osylaı istedi, biraq bul - azamattyq-quqyqtyq qatynas. Biz oǵan merdigerlik kelisimshartty jasaǵan azamatty sotqa berý jóninde keńes berdik, ol sotqa shaǵymdanýy tıis», - dep málim etti oblystyq eńbek basqarmasy.

Bul másele jóninde oblystyq polısıa departamentiniń baspasóz qyzmeti sotqa deıingi tergeý bastalǵanyn málimdegen. Oqıǵany tergeý Qylmystyq kodekstiń 105-baby boıynsha júrgizilýde.

Osy rette, polıseıler atalǵan jaıtqa baılanysty QR Qylmystyq prosesýaldyq kodeksiniń 201-baby boıynsha tergeý múddesine saı basqa aqparat berilmeıtinin aıtady.

Al ákimshilik resýrs retinde osy isti basty nazarda ustaýy tıis oblystyq eńbek basqarmasy áýeli sot kimniń, kimge, qansha aqsha bereshek ekenin anyqtaýy kerek deıdi. Sonymen birge, eńbek ınspeksıasy «Olımp-PVL» jaýapkershiligi shekteýli seriktestigimen kelissóz júrgizýdi josparlap otyrǵanyn atap ótken.

«Múmkin olar bul máseleni beıbit jolmen shesher. Shynymen de jalaqyǵa aqsha qaryz ba, qaryz bolsa, qansha degen sıaqty máselelerdi talqylap, bir kelisimge kelýi múmkin. Ol jaǵdaıda tipti sotqa berýdiń qajeti bolmaıdy», - deıdi eńbek basqarmasyndaǵylar.

Oqı otyryńyz: Endi jalaqy bermeıtinderge aıyppul salynady