Qordaı aýdany Masanchı aýylyndǵy oqıǵaǵa baılanysty Jambyl oblysy Polısıa departamentiniń Tergeý basqarmasy Qazaqstan Respýblıkasy Qylmystyq kodeksiniń 293-baby boıynsha sotqa deıingi tergeýdi bastady. Bul týraly 24.kz jańalyqtar qyzmeti habarlaıdy.
«Qaqtyǵysty bastaýshylar men qatysýshylar anyqtalýda. Jambyl oblysynyń Polısıa departamenti azamattardan tek resmı aqparatqa senýdi jáne qaýeset pen jalǵan habarlamalardy taratpaýdy suraıdy. Jalǵan aqparatty, onyń ishinde áleýmettik jeliler men messendjerler arqyly taratqany úshin qylmystyq jaýapkershilik qarastyrylǵanyn eskertemiz», - dep málimdedi oblystyq Polısıa departamentiniń baspasóz qyzmeti.
Eske sala ketsek, áleýmettik jelide Jambyl oblysy Qordaı aýdanynda dúngen ultynyń azamattary 80 jastaǵy qazaq qarıasy men onyń eki balasyn armatýramen, balǵamen uryp, basyn jarǵany týraly aqparat tarap, eki ult arasynda úlken janjal shyǵady.
