Jambyl oblysynyń Masanchı aýylynda bolǵan jappaı qaqtyǵystyń sebebi-adamdy baltalap tastaǵan degen aqparatty mınıstr joqqa shyǵardy. Bul týraly aqparat jáne qoǵamdyq damý mınıstri Dáýren Abaev brıfıńte aıtty.
Brıfıńten keıin jýrnalıser áleýmettik jelide tarap jatqan Masanchıdegi "qart kisi men balalardy baltamen shapty" degen aqparattyń anyq-qanyǵyn surady.
"Jelide taraǵan bul aqparat jalǵan", - dedi mınıstr.
Sondaı-aq, ol qaqtyǵys sebebi delingen 82 jastaǵy qarıa zardap shekken turmystyq janjal týraly aqparattyń mán-jaıyn túsindirdi.
"Mundaı nusqa bar. Bul turmystyq janjal, biraq naqty qandaı ekenin qazir anyqtap jatyrmyz", - dep habarlady Abaev.
Pikir qaldyrý