Memleket basshysy Qasym-Jomart Toqaevtyń tapsyrmasyn oryndaý maqsatynda QR Premer-Mınıstri Asqar Mamınniń ókimimen Jambyl oblysynyń Qordaı aýdanyndaǵy oqıǵa saldaryn joıý jónindegi Úkimet komısıasy quryldy. Bul týraly rrimeminister habarlaıdy.

QR Premer-Mınıstriniń orynbasary B. Saparbaevtyń tóraǵalyǵymen qurylǵan Komısıa quramyna: Jambyl oblysynyń ákimi - A. Myrzahmetov, eńbek jáne halyqty áleýmettik qorǵaý mınıstri - B. Nurymbetov, Qazaqstan halqy Assambleıasy tóraǵasynyń orynbasary - J. Túımebaev, Parlament Májilisiniń depýtaty - Sh. Hahazov jáne «Dúngen qazaqstandyq qoǵamy» qoǵamdyq birlestiginiń tóraǵasy - A. Voınse men qarjy, ındýstrıa jáne ınfraqurylymdyq damý birinshi vıse-mınıstrleri, aqparat jáne qoǵamdyq damý, ulttyq ekonomıka, densaýlyq saqtaý, bilim jáne ǵylym vıse-mınıstrleri, ishki ister, qorǵanys mınıstrleriniń orynbasarlary, Bas prokýror men Ulttyq qaýipsizdik komıteti tóraǵasynyń orynbasarlary kirdi.

Komısıa aldynda janjal sebepterin anyqtaý, sondaı-aq áleýmettik-ekonomıkalyq jáne gýmanıtarlyq sıpattaǵy máselelerdi shuǵyl sheshýdi qamtamasyz etý, keltirilgen zalaldyń ornyn toltyrýdy baǵalaý mindetteri qoıyldy.