Almaty oblysynyń ákimi Amandyq Batalov óziniń orynbasary Baǵdat Manzorovtyń óz erkimen qyzmetinen bosatylǵanyn málimdedi. Bul týraly oblys ákiminiń baspasóz qyzmeti habarlaıdy.

– Baǵdat Manzorov óz erkimen jumystan ketti. Ol óz qyzmetinde kásibı jáne bilikti maman boldy. Arysty qalpyna keltirýde jaqsy jumys jasady. Sondaı-aq onyń gazdandyrý salasyna jáne modýldi qazandyqtardy ornatýǵa qosqan úlesin atap ótpeske bolmas. Men oǵan bar jaqsylyqty tileımin, – dedi Batalov.

Ákimniń eks-orynbasary óz kezeginde áriptesterine atqarylǵan jumys úshin alǵys aıtty.

– 7 aıda kóp nárse jasalynǵan joq. Alǵashqy issapar oblys ákimimen Arysta boldy. Biraq biz ony sátti aıaqtadyq. Almaty oblysy – meniń kishkentaı Otanym, sondyqtan men bul baǵytta jumys istegenime qýanyshtymyn. Ári qaraı aımaqtyń órkendeýin tileımin, – dep Manzorov sońǵy sózin túıindedi.

Baǵdat Manzorov Almaty oblysy ákiminiń orynbasary qyzmetine 2019 jyldyń shildesinde taǵaıyndalǵan.  Ol turǵyn úı-kommýnaldyq sharýashylyq jáne kásipkerlik pen týrızm salalaryna jaýapty boldy.