Prezıdent Qasym-Jomart Toqaevtyń Qazaqstan azamattaryn koronavırýs juqtyrýdan qorǵaý jónindegi shara qabyldaýy týraly buıryǵyna sáıkes, Qazaqstan Respýblıkasynyń Úkimeti Qytaıda júrgen qazaqstandyqtardy evakýasıalap jatyr, dep habarlaıdy Qamshy.kz aqparat agenttigi  zakon.kz-ke silteme jasap.

"10 jáne 12 aqpanda Qytaı úkimetiniń kelisimi boıynsha Eır Astana avıakompanıasy Pekınge Qazaqstan azamattaryn evakýasıalaýǵa eki ushaq jiberedi. Jolaýshylar ushý kezinde medısınalyq qyzmetkerlermen birge keledi" delingen  QR SİM habarlamasynda.  

Qytaı ótinishi boıynsha osy reıs arqyly Qazaqstandaǵy Qytaıdyń 47 azamatyn, sonymen qatar Qytaı elshiliginiń komersıalyq emes júkterin jetkizý josparlanýda.

Qazirgi ýaqytta Qytaı aýmaǵynda Qazaqstannyń 719 azamaty bar, olardyń 391-i otanǵa oralýǵa kómek kórsetýdi suraǵan. Qalǵandary dıplomatıalyq mekeme qyzmetkerleri men olardyń otbasy músheleri, stýdentter jáne basqa jeke tulǵalar Qytaıda qalýǵa nıet bildirdi.

Qytaıdaǵy Qazaqstannyń dıplomatıalyq mekemeleri qajet bolǵan jaǵdaıda tıisti kómek kórsetý úshin Qazaqstan azamattarymen jumys isteýdi jáne baılanysta bolýdy jalǵastyrýda. Bul sharalardyń barlyǵy Qytaıdaǵy qazaq azamattarymen baılanysty barlyq máselelerdi sheshýge syndarly kózqaraspen qaraıdy.