Jambyl oblysynyń jańa ákimi Berdibek Saparbaev Qordaı aýdanynyń Masanchı aýylynda bolǵan oqıǵaǵa baılanysty nelikten áleýmettik emes tehnogendik tótenshe jaǵdaı jarıalaǵany týraly málimdeme jasady.

– Ózderińiz kórgendeı aýyldaǵy turǵyn úılerdiń barlyǵy derlik jaramsyz kúıde. Órtengen, qıraǵan materıaldyq zattar men úılerdi qaıta qalpyna keltirý úshin tehnogendik tótenshe jaǵdaı jarıalaýdy jón dep bilem, – dedi Saparbaev úkimet otyrysynan keıin jýrnalıserge bergen suhbatynda.

– Biz barlyq turǵyn úılerdi, saýda ortalyqtaryn qaıta turǵyzyp, joldardaǵy qırandy materıaldardy tazartýymyz kerek. Sonymen qatar qazirgi tańda aýylda jóndeý jumystary júrgiziledi jáne qaıtys bolǵandardyń jaqyndary men týystaryna áleýmettik kómek kórsetiledi – dep barlyq jaǵdaıdy eskeretinin atap ótti.