Búgin, 12 aqpanda Qazaqstan prezıdenti Qasym-Jomart Toqaev Qazaqstan halqy Assambleıasy tóraǵasynyń orynbasary Janseıit Túımebaevty qabyldady. Bul týraly Aqorda saıty habarlady. 

Kezdesýde Túımebaev Toqaevqa úkimettik komısıanyń Jambyl oblysy Qordaı aýdanyndaǵy Masanshy, Qarakemer, Sortóbe, Aýqatty jáne basqa da aýyldardyń turǵyndarymen ótkizgen kezdesý qorytyndysy boıynsha esep berdi. 

Al Toqaev Túımebaeqa eldegi turaqtylyqty, ulttar men etnostar arasyndaǵy birlik pen yntymaqtastyqty saqtaýǵa baǵyttalǵan sharalar qabyldaý úshin birqatar naqty tapsyrma berdi.

Kezdesý barysynda Jambyl oblysyndaǵy dúngen qaýymynyń jergilikti qazaq qaýymdastyǵymen aralasýyna, qazaq tilin úırenýine, memlekettik organdarǵa qurmetpen qaraýyna qatysty máselelerge basa mán berildi.