Prezıdent Qasym-Jomart Toqaev Qostanaı oblysy ákime Arhımed Muhambetovty qabyldady dep jazdy Qamshy.kz aqparat agenttigi Aqordanyń resmı saıtyna silteme jasap. 

Memleket basshysy oblystyń áleýmettik-ekonomıkalyq damýyn jáne prezıdent tapsyrmalaryn oryndý týraly Qostanaı oblysynyń ákiminiń esebin tyńdady.. 

Arhımed Muhambetov aımaqtaǵy turǵyn úı qurylysynyń qarqyndy deńgeıde damyp jatqanyn, áleýmettik jaǵdaıy tómen otbasylarǵa da ákimshilik tarapynan kómek kórsetilip jatqanyn, múgedekterdi avtokólik transportymen qamtamasyz etkenin málimdedi. Sonymen qatar qolǵa alynǵan mańyzdy ındýstrıalyq jobalardy  talqylady. 

Prezıdent azyq-túlik baǵalarynyń kóterilmeýin qadaǵalaýdy jáne Arqalyq jylý energetıka stansıasyn qalpyna keltirýdi tapsyrdy.