Bul týraly Qamshy.kz aqparat agenttigi polisia.kz deregin negizge ala otyryp habarlaıdy.

12 aqpan kúni saǵat 18:28-de Nur-Sultan qalasynyń PD jedel basqarý ortalyǵyna Mega Silk Way oıyn-saýyq ortalyǵynda 1985 jyly dúnıege kelgen Túrkıa azamatynyń ishimdikke mastanyp, ózin pyshaqpen jaraqattamaq bolǵany jaıly habarlama jetken.

İle-shala oqıǵanyń qalaı bolǵany týraly vıdeo áleýmettik jelide tarap ketti.

Óz kezeginde shetel azamatynyń qoǵamdyq oryndaǵy bul áreketi jeli qoldanýshylardyń ashý-yzasyn týdyrmaı qoımady. Olar mundaı bassyzdyqqa qarapaıym halyq kóp júretin qoǵamdyq oryndarda jol berilmeýi kerektigin, kóbine osyndaı oqıǵalarǵa Qazaqstanǵa ár túrli sebeptermen keletin shetel azamattarynyń qadaǵalanbaýy sebep bolatynyn aıtady.

Abyroı bolǵanda oqıǵa ornynda bolǵan adamdar onyń qolyndaǵy pyshaqty tartyp alǵan. Nátıjesinde, aınalasyndaǵy úreılengen qala turǵyndarynyń qaýipsizdigin qamtamasyz etilgen.

Qazirgi ýaqytta ol QR zańnamasyna sáıkes jaýapqa tartylýda. Tipti, el aýmaǵynda qarapaıym turǵyndar ómirine qaýip tóndirgen shetel azamatyn elden shyǵarý máselesi de qaralyp jatyr.

Osy rette, qalalyq polısıa bólimi qaýipti azamattyń qolynan der kezinde sýyq qarýdy tartyp alyp, aınalasyndaǵy adamdardyń qaýipsizdigin qamtamasyz etken jandarǵa alǵys bildirdi.