Qazaqstannyń syrtqy ister mınıstrligi ózbekstandyq stýdentterdiń Qazaqstannan jappaı ketýiniń sebepterin atady, dep habarlady zakon.kz.

Buǵan deıin sheteldik BAQ ókilderi Ózbekstannyń Orta Azıa ýnıversıtetterindegi  stýdentterin úılerine qaıtaryp jatqany týraly aqparat taratqan bolatyn.

Syrtqy ister mınıstri Aıbek Smadıarovtyń aıtýynsha, jaǵdaı bilim berý júıesindegi reformaǵa baılanysty. 

– Bizge Ózbekstan memleketinen resmı úndeý kelip tústi. Ózbekstandyq stýdentterge jasalǵan shaqyrtý, kórshi memlekettegi bilim berý reformasynyń ózgertilýine baılanysty. Qazir Ózbekstan úkimeti kórshiles memleketterde onyń ishinde, Qazaqstan, Tájikstan, Qyrǵyzstanda oqyp jatqan stýdentterdiń otanyna oralýy úshin barlyq jaǵdaıdy jasaýda. Shetelge ketken stýdentterdi qaıtarý úshin kvota men granttar sany artqan, – dedi ol.