2 aqpanda Ýhandan evakýasıalanǵan qazaqstandyqtar karantınnen bosatyldy. Bul týraly Tengrinews habarlaıdy.

Nur-Sultan qalasyndaǵy kópsalaly medısınalyq ortalyq dırektory Muhtar Tóleýtaevtyń aıtýynsha, aýrýhanadan 89 adam shyǵarylǵan.

– Munda qazaqstandyq 83 adam, Belarýsten – 5 azamat, Armenıadan kelgen 1 qyz bala bar. Iaǵnı, bul 2 aqpanda kelgen evakýasıalanǵandardyń alǵashqy toby. Olardyń jaǵdaıy qazirgi tańda qanaǵattanarlyq, temperatýrasy qalypty, eshkimde koronavırýstyń belgileri joq,  – dedi dáriger.

Aýrýhana 40-shy stansıadan alty shaqyrym jerde ornalasqandyqtan, naýqastar úsh marshrýt boıynsha tasymaldanypp jatyr: áýejaı, temirjol vokzaly jáne qala. Munda Almaty, Aqtóbe, Aqtaý, Shyǵys, Soltústik jáne Ońtústik Qazaqstan stýdentteri oqıdy.

– Aıtarlyqtaı qıyndyqtar bolǵan joq, biraq árıne, jigitterge 14 kún boıy jabyq jerde bolý qıynǵa soqty. Biraq palatalarda barlyq jaǵdaı jasalǵan. Iaǵnı, olar tolyqtaı medısınalyq baqylaýda boldy. Sonymen qatar psıhologtar barlyq balalarmen jeke jumys jasady, – dep atap ótti Tóleýtaev.

Ýhannan evakýasıalanǵan Armenıa azamaty qyrkúıek aıynan bastap Qytaıda magıstratýrada oqyp, til úırenip júrgenin aıtyp, qazirgi tańda jaǵdaıy jaqsy ekenin jetkizdi.

– Munda bári jaqsy boldy, tipti biz medbıkelermen de dostasyp kettik. Bastapqyda qıyn boldy, barlyǵy alańdady. Osynda 2 apta boldyq, 2 apta boıy eshqaıda shyqpadyq. Negizi Ýhan qalasy aıtarlyqtaı qorqynyshty emes. Kóshede adam ólimi bolatyndaı jaǵdaı bolmady. Biraq qalada adamdar úılerinen shyqpaı, medısınalyq maska kıip saqtandy. Bul jerde biz karantınde jatqandyqtan, medbıkeler tek sabyrmen kútýdi surady. Oqýmyzdy onlaın rejimde oqydyq. Qala jáne ýnıversıtetİmiz óte jaqsy, –dedi ýnıversıtet stýdenti.

Eske sala keteıik, aqpannyń 2-nan bastap qazaqstandyqtardyń densaýlyǵynyń qaýipsizdigin qamtamasyz etý úshin densaýlyq saqtaý mınıstrliginiń shuǵyl medısınalyq kómek ulttyq úılestirý ortalyǵy 83 adamdy Qazaqstanǵa jetkizdi, olardyń 80-i Qytaıdyń Ýhan qalasynda boldy.  Tekseristen ótip, elge oralǵan stýdentter 14 kúndik karantınge elordanyń kóp salaly aýrýhanasynyń arnaıy bólingen ınfeksıaǵa qarsy ǵımaratyna ornalastyryldy.