Rahman Alshanov: Beıbit jınalystar týraly jańa zańnamada ortaq kózqarastar qamtylǵany durys

/image/2020/02/17/crop-14_0_435x580_200217123430390e.jpg

Almaty qalalyq qoǵamdyq keńesiniń tóraǵasy Rahman Alshanov «Qazaqstan Respýblıkasynda beıbit jınalystar, mıtıńiler, sherýler, pıketter jáne demonstrasıalar uıymdastyrý men ótkizý tártibi týraly» zań jobasyna qatysty pikirimen bólisti.

«Bárimiz bul máseleniń ózektiligin bilemiz. Bizdiń elimizde kóp nárse jasaldy, degenmen, saıası mádenıetke qatysty máseleler bar. Jambyl oblysy Qordaı aýdanynda bolǵan qaıǵyly oqıǵalar, ókinishke qaraı, mádenıettiń jáne saıası dıalogtyń azdyǵy jaǵdaıdyń keıde múlde basqa baǵytqa aýysatynyn kórsetedi. Barlyq azamattardyń múddelerine jaýap beretin senimdi zań shyǵarý kerek, árıne, barlyǵynyń kóńilinen shyǵý qıyn, biraq ymyraǵa kelip, biryńǵaı kózqaras qalyptastyrýǵa múmkindik beredi», - dedi Rahman Alshanov Almatyda Qoǵamdyq keńes otyrysynda. Aıta keteıik, Q oǵamdyq keńes otyrysyna QR Aqparat jáne qoǵamdyq damý mınıstri Dáýren Abaev qatysýda. Onda beıbit jıyndar jónindegi jańa zań jobasy týraly áńgime qozǵalǵan bolatyn.

«Bizdiń mindetimiz - ortaq kózqarastardy tabý. Polárly pikirler, túrli ustanymdar kóp, olardyń bárin zańmen belgileý múmkin emes. Múmkin ýaqyt óte kele, saıası tájirıbe jınaqtalǵan kezde, qoǵam ózgerip, qazirgi damyǵan elderdiń standarttaryna jaqyndaıtyn shyǵarmyz. Olardyń demokratıalyq mektepteriniń 200-300 jyldyq tarıhy bar. Onda durys jáne burys, tosqaýyl degen joq. Barlyǵymyz birige otyryp, osyndaı ózimizge qajetti tujyrymdamany jasaýǵa múddelimiz», - dedi ol.

Qatysty tegter :

Pikir qaldyrý

Qatysty Maqalalar