Nurs-Sultan qalasy Baıqońyr aýdanynyń burynǵy ákimi Asqar Esilovke jáne oǵan para bergen kásipkerge qatysty sot úkimi shyqty. Bul týraly Nur-Sultan qalalyq sotynyń baspasóz qyzmeti habarlady.

Para bergen qylmysker men eks-ákim jasaǵan qylmystary úshin ókinetinin aıtyp, kinásin moıyndaǵan. Sot otyrysy barysynda prokýror aıyptylar A.S.Esilovke - 15 450 000 teńge jáne S.S.Nurtazınge – 7 725 000 teńge kóleminde aıyppul túrindegi jaza taǵaıyndaýdy surady.

– 2020 jylǵy 17 aqpandaǵy Esil aýdanynyń №2 aýdandyq sotynyń úkimimen Nur-Sultan qalasy «Baıqońyr» aýdanynyń burynǵy ákimi A.S.Esilov 515 000 teńge turatyn "iPhone"  uıaly telefondy para retinde alǵany jáne fýtbol alańdarynyń qurylysy boıynsha qosalqy merdigerlik jumystardy alýǵa járdem bergeni úshin (QK-tiń 366 babynyń 2-bóligi), al kásipker S.S.Nurtazın para bergendigi úshin (QK-tiń 367 babynyń 2-bóligi) kánili dep tanyldy, – delingen habarlamada.

Eger de qylmyskerler aıyppuldy tóleýden bas tartqan jaǵdaıda, olarǵa bas bostandyǵynan aıyrý jazasy beriledi. Sondaı-aq ekeýi de ómir boıy memlekettik qyzmette laýazym atqarý quqyǵynan aıyryldy.