"Ýhanda taraǵan vırýstan búkil álemde jańa qurbandar paıda bolady". Twitter qoldanýshylary 1981 jyly shyqqan "Qarańǵynyń kózderi" romanynda osylaı jazylǵanyna tańdanys bildirýde. Bul týraly greatgameindia.com saıtynda jazylǵan. 

Amerıkalyq Dına Kýns atty fantas jazýshy 1981 jyly "Qarańǵynyń kózderi" atty fantasıkalyq roman jazǵan. Kýns kitabynyń 39-taraýynda Qytaı komýnıstik partıasy Ýhan mańyndaǵy áskerı zerthanalarda bıologıalyq qarý retinde vırýs jasaıtyny aıtylady. Ony Ýhan-400 dep ataǵan. Vırýs adamdy 100 paıyz óltirýge qaýqarly delingen.

Romanda ulyn izdep júrgen, onyń óli ne tiri ekenin bilmeıtin ana týraly jazylǵan. 

Anasy ulynyń taýǵa  shyǵýyna ruqsat beredi. Uly 16 jyl boıy taýǵa shyǵyp júrgen kásibı mamandarmen birge taýǵa shyǵady. Alaıda bul joly taýǵa shyqqan ár týrıs, jol  nusqaýshy tipti kólik júrgizýshi de belgisiz sebepten kóz jumady. Qaıǵydan qan jutqan ana ulynyń ólgenine senbeıdi. Keıin ol óziniń dosymen birge ulynyń neden qaıtys bolǵanyn izdestirýge kóshedi. Oqıǵa jelisi osylaı bastalǵan romanda qytaılyq zertteýshiniń "Ýhan-400" dep atalatyn bıologıalyq qarý jasap shyǵarǵany týraly aıtylady. Ol bul qarýdy AQSH-qa jasyryn túrde ákelgen. Qytaılyq zertteýshi bul qarýdy Ýhan qalasynda jasap shyǵarǵan. Keıin ony óz maqsattaryna qoldanady. 

Araǵa 39 jyl salyp, Qytaıdyń Ýhan qalasynan koronavırýs shyǵyp, odan myńdaǵan adamnyń qaza bolýy romandaǵy oqıǵa jelisimen uqsaıtynyna kópshilik bul kezdeısoqtyq pa, álde tylsym birdeńe me dep tańdanysyn jasyra almaýda.