Qazaqstanǵa tanymal sazger, respýblıkalyq, halyqaralyq baıqaýlardyń laýreaty  Turdyqylysh İztaev 71 jasynda baqılyq boldy. Bul týraly Túrkistan oblysy Mádenıet basqarmasy habarlady.

"Búgingi kún qazaq halqy úshin qaraly kún. Mańdaıǵa bitken taǵy bir shoq juldyzynan aıyrylyp qaldy" delingen mádenıet basqarmasynyń habarlamasynda.

Turdyqylysh İztaev 1949 jyly 30 maýsymda Túrkmenstan respýblıkasynyń Tahtabazar aýdanynda dúnıege kelgen. 

Óziniń eńbek jolyn Shymkenttegi Ál-Farabı atyndaǵy ınstıtýtta qyzmet etýmen bastaǵan. Bul jerde 1968-1994 jyldar aralyǵynda eńbegin ótegen.

Sazger 20-dan astam ádistemelik jumystyń avtory. Ánderi "Mahabbat-ómir" degen jeke álbom bolyp basylyp shyqqan. Onyń eń ataqty shyǵarmalarynyń biri "Nýrıkamal" áni. Bul ánniń sózin óziniń jary Hanbıbi Esenqaraqyzy jazǵan. Osylaısha qos ǵashyqtyń mahabbatynyń nátıjesinde tyńdarmanǵa jol tartqan áýezdi án barsha qazaq halqyn tańdaı qaqtyrdy.