Batys Qazaqstan oblysy tótenshe jaǵdaı departamentiniń baspasóz qyzmetiniń habarlaýynsha, 17 aqpan kúni 05:41-de órt sóndirý bólimine Tasqala aýdany ortalyq emdeý bóliminiń №8 palatasy órtenip jatqany týraly habarlama túsken.
Órt 15 sharshy metr aýmaqty qamtyǵan. 42 jastaǵy naýqas óz tósenishine órt qoıyp, 2-qabattyń terezesinen sekirip, is-tússiz joǵalyp ketken. Ony izdeý jumystary jalǵasýda. Órt saǵat 06:06-da sóndirildi. Oqıǵa ornynda 3 tehnıka men 11 órt sóndirýshi jumys istedi, dep málimdedi BQO tótenshe jaǵdaı departamenti.
Aýrýhanadan 20 adam evakýasıalanyp, 2 adam qutqaryldy. Onyń ishinde 4 bala, 8 medısınalyq qyzmetker bar.
Pikir qaldyrý