Elorda prokýratýrasy "Qazandyq", "Qara kasa" oıyndary týraly málimdeme jasady

Elorda prokýratýrasy "Qazandyq", "Qara kasa" oıyndary týraly málimdeme jasady

Melis Seıdahmetov 11:40, 18 aqpan 2020

/image/2020/02/18/crop-147_0_697x929_2020021717333779695_28511ee5efefd40a3a8d82eb9c0.jpg

Sońǵy ýaqytta áleýmettik jeliler men mescendjerlerde "Qazandyq" nemese "Qara kasa" oıynyna shaqyrǵan habarlamalardyń taralýyna baılanysty Nur-Sultan qalasy prokýratýrasy málimdeme jasady.

"Oıynnyń máni belgili bir aqsha somasyn engizý jáne basqa adamdardy ózimen birge ákelý. Demek, aqsha turaqty túrde jańa qatysýshylardy tartý esebinen ǵana túsedi. Qatysýshy qarajat jınap, jańa adamdardy tartady. Sáıkesinshe pıramıda ósip beredi. Joǵary turǵandar shynymen tabys tabatyn shyǵar. Al pıramıdanyń tómengi jaǵy eshteńe almaıdy. Olar tek pıramıdanyń joǵary satysynda turǵandarǵa óz aqshasyn senip tapsyrdy. Osylaısha, osy sqemany uıymdastyrýshylardyń is-áreketinde "qarjylyq pıramıdanyń" belgileri – tabys alýdyń alaıaqtyq sqemasy kórinedi" delingen habarlamada.

Prokýratýra habarlamasynda oıynnyń pıramıda ekenin áshkereteıtin birneshe derek keltirilgen.

"Birinshiden, joǵary tabys, jyldam baıý, jyldam paıda alý ýádeleri naryqtyq deńgeıden áldeqaıda joǵary. Ekinshiden, uıymdastyrýshylarda arnaıy lısenzıalardyń bolmaýy, al qarjy naryǵyndaǵy qyzmet kórsetýshilerde mindetti túrde memlekettik lısenzıa bolýy tıis. Úshinshiden, naqty ınvestısıalyq qyzmet bolmaǵanyna qaramastan agressıvti jarnama.

Osyǵan baılanysty, Nur-Sultan qalasynyń prokýratýrasy zańsyz tabys tabý boıynsha qyzmet jasaýshylar men basshylaryna qatysty QK-niń 217-baby (qarjylyq (ınvestısıalyq) pıramıdany qurý jáne basqarý) boıynsha qylmystyq jaýapkershilikke tartylatynyn eske salady.

Prokýratýra organdary elorda turǵyndaryna zań turǵysynan kúmándi jolmen tabys tabýdan bas tartýdy usynady" dep habarlandy prokýratýra málimdemesinde.