Qytaıda koronavırýstan qaıtys bolǵandar sany 2 myń adamnan asty. Bul aqparatty Qytaıdyń Gıgıena jáne densaýlyq saqtaý máseleleri jónindegi memlekettik komıteti habarlady.

Ótken táýlikte (18 aqpan saǵat 24:00-degi jaǵdaı boıynsha) Qytaıda 1749 adam koronavırýs juqtyryp, (Hýbeı provınsıasynda – 1693), 136 adam qaıtys boldy. 1824 adam emdelip shyqty (Hýbeıde 1266 adam).

Sońǵy derekter boıynsha, QHR-da koronavırýs juqtyrǵandar sany 74185 adamdy qurap otyr, qaıtys bolǵandar sany – 2004, emdelip shyqqandar – 14376 adam. Qazirgi ýaqytta naýqastarmen tyǵyz baılanysta bolǵan 135 myń adam medısınalyq baqylaýǵa alynǵan.

Resmı statısıkaǵa sáıkes, indettiń oshaǵyna aınalǵan Hýbeı provınsıasynan tys materıktik Qytaıda koronavırýs dıagnozy qoıylǵan naýqastar sany on besinshi kún qatarynan tómendep keledi.

Gonkongta koronavırýs juqtyrǵan 62 adam tirkeldi, Makaoda (Aomen) – 10, Taıvanda – 22.

Sońǵy málimetter boıynsha, Qazaqstanmen shekaralasatyn QHR Shyńjań-Uıǵyr avtonomıalyq ólkesinde (SHUAÓ) koronavırýs juqtyrǵan 76 adam tirkelgen, onyń ishinde İle-Qazaq avtonomıalyq oblysynda (İQAO) SÝAR - 18, Úrimji qalasynda – 23. Qazirgi ýaqytta Shyńjańda 5 myńnan astam adam medısınalyq baqylaýda. Medısınalyq mekemelerden 12 naýqas emdelip shyqty.