Almaty qalasynyń ákimi Baqytjan Saǵyntaev búgin qala turǵyndarymen ótken eseptik kezdesýinde jaqynda oryn alan Qordaıdaǵy qaqtyǵys pen Almaty baraholkasynda bazarlardyń jabylýyna qatysty pikir bildirdi. 

– Biz Qordaıda ne bolǵanyn kórdik. Almatyda ondaıǵa jol bermeýimiz kerek boldy. Polısıa barlyq aýmaqty qarap júrdi. Barlyǵy kúzetildi. (...) Árkim ózi úshin sóıleýi kerek. Otan otbasynan bastalady. Otbasy úshin jaýap ber, otbasy úshin alańda, – dedi ákim.

Baraholkadaǵy órttiń shyǵýyna baılanysty qala ákimi turǵyndarynyń qaýipsizdigi úshin demalys kúnderi bazarlar jumys jasaýyn toqtatady dedi. 

– 00.00-den keıin bazarlarymyzdyń barlyq basshysy, dırektory jınaldy. Olarǵa jaǵdaıdy aıttyq. Túngi saǵat 00:00-de barlyq bazardy demalys kúni bolsa da jabý týraly sheshim qabyldandy. Bul ár adamnyń qaýipsizdigi úshin jasaldy. Biz ol sheshimdi durys dep sanaımyz, – dedi Saǵyntaev.