20 aqpandaǵy málimetter boıynsha, koronavırýs juqtyrǵandar sany 75 713 adamdy qurady.  2126 adam qaıtys bolsa,  aýrýhanadan shyqqandar sany 16 231- di qurady. Bul týraly Qytaıdyń densaýlyq saqtaý organy habarlady. 

Koronavırýstyń oshaǵy atalatyn Hýbeı provınsıasynda 108 jańa ólim tirkeldi. Al dúnıejúzi boıynsha 114 ólim túri tirkelgen.

Japondyq NHK telearnasynyń habarlaýynsha, Japonıadaǵy DIAMOND PRINCESS krýızdik kemesinen COVID-2019 vırýsynyń jańa qurbandary paıda bolǵan. Odan eki adam qaıtys boldy. 

Sonymen qatar Ýhandaǵy 55 jastaǵy kınorejısser, HUBEI FILM STUDIO kompanıasynyń ókili Chan Kaı qaıtys boldy. Kınorejısser vırýsty ápkesi ekeýi ata-anasynan juqtyrǵan. Aýrýhanalardyń tolyp ketkenine baılanysty, ákesi men anasyn aýrýhanaǵa jatqyzý múmkin bolmaǵan. 

Chan Kaıdyń ákesi 25 qańtarda qaıtys boldy. Onyń ystyǵy kóterilip, jótel jáne demikpe mazalaǵan. Keıin dál osy vırýstan onyń anasy da kóz jumdy. Osyndaı jaǵdaılardan keıin rejıser men onyń qaryndasynyń da qaýipti indetke dýshar bolǵany anyqtalǵan. 

Rejıser vırýstyń bastapqy satysynda em qoldanýdan bas tartqan. Osylaısha ol 14 aqpanda baqılyq boldy. Ol óziniń áleýmettik jelidegi dostarymen jáne Ulybrıtanıada oqıtyn ulymen de qoshtasqan bolatyn. Sondaı-aq, Chan Kaıdyń ápkesi de qaıtys bolǵan. Qazir rejıserdiń áıeli jansaqtaý bóliminde. Dárigerler onyń ómirin saqtap qalý úshin kúresýde.