Kezdesýde Aqtóbegi joǵary aýyl sharýashylyǵy kolejiniń dırektory Amankeldi Esirkepov aýyl sharýashylyǵy salasy mamandaryn ázirleýde quzyrly organdardyń tájirıbeden ótý máselesindegi kinárattardy atady:

«Bizge tájirıbe jaǵy jetispeıdi. Bizdiń kolejdiń bazasynda tórt túlik maldyń bári bar. Ol úshin biz memleket búdjetinen eshteńe almaımyz. Stýdentterdiń tájirıbeden ótýin uıymdastyrý jaǵyn qoldaý kerek. Sondaı-aq, Qazaqstanda aýyl sharýashylyǵy mamandaryn daıyndaýǵa qatysty kitap sońǵy ret 2010 jyly shyqqan. Bilikti mamandar daıarlaý úshin sońǵy shyqqan salalyq kitaptar qajet. Ekinshi másele, ol pedagogtardy qoldaý máselesi tur», - dedi Amankeldi Esirkepov.

Osy rette, Senat spıkeri oryndy másele kóterilip otyrǵanyn aıta kelip:

«Kolejden keıin jumysqa alatyn mamandardyń daıyndyq deńgeıi tómen, tájirıbelik daǵdylary joq. Búdjetten qarjy bólinedi, esepterde bári durys. Al is júzinde mamandar tapshy», - dedi ol.

"Qarjy" demekshi, kezdesý barysynda  kolej basshylary qarajattyń tapshy bolý sebebin de jetkizdi. Olardyń aıtýynsha, oqý oryndary jıi mal satyp alýǵa májbúr. Sebebi, ony stýdentterdiń mal sharýashylyǵynda naqty tájirıbe jınaqtaýy úshin paıdalanady. 

Tipti, sondaǵy dırektorlardyń biri :«Ol úshin men 12 sıyr ustaımyn», - dep ashyǵyn da aıtty.