Áleýmettik jelide Almahan Muqametqalıqyzy esimdi qoldanýshy qardan jasalǵan kıiz úıdiń vıdeosyn jarıalady. Rolık Qytaıdyń Altaı aımaǵy Býyrshyn aýdany Shuńqyr aýylynda túsirilgen. 

Shuńqyr aýyly – Qytaıdaǵy Shyńjań avtonomıasyna kiretin eldi meken. Avtor kıiz úılerdiń qyraý merekesine arnap jasalǵanyn aıtady. Kadrdan bir-birine jaqyndaý ornalasqan eki kıiz úıdi kórýge bolady. Bireýiniń aldynda qardan tyshqannyń beınesi salynǵan. Avtor muny tyshqan jylyna arnap jasapty.

– Keremet, jaqsy jasalypty. Qardaı qalaı jasap shyqqansyń áı, dosym-aı. Qardan jasalǵan qazaq úıdiń ishinde alma jep otyrǵan kúnder-aı boldy bul. Bul kúndi umytpaımyz, – deıdi kıiz úıdiń ishinde otyrǵan qonaqtar tańdanysyn jasyra almaı.

Kıiz úıdi jasaýǵa bir aıǵa jýyq ýaqyt ketken.