Qordaı aýdanynda aqsaqaldy soqqyǵa jyqqan kúdiktiniń isi birneshe aptadan keıin sotta qaralady. Bul týraly ishki ister mınıstri Erlan Turǵymbaev málimdedi.

– Qordaıda qazir jaǵdaı turaqty, kúndiz-túni ulttyq gvardıa qyzmetkerlerimen jumys istep jatyrmyz. Polısıa qyzmetkerlerine qol kótergen úsh adamnyń barlyǵy ustaldy. Eki-úsh aptada olardyń isi sotqa beriledi. Sonymen qatar aqsaqaldy uryp-soqqan adam da ustaldy. Endi medısınalyq saraptamany alǵannan keıin sot jumysyn bastaıdy. Qaı elde júrsek te, eresekterge kúsh qoldaný bizde bolǵan emes. Bul qylmys. Qart kisini urǵandardy tabamyz, – dedi İİM basshysy.

Eske sala keteıik, Qordaı aýdanyndaǵy janjal kezinde zardap shekken aqsaqal aýrýhanadan shyǵaryldy. Dárigerlerlerdiń aıtýynsha, jaǵdaıy birqalypty.