Shymkentte jaldamaly páterden eki sarbazdyń máıiti tabyldy. Bul aqparatty Shymkent qalalyq tótenshe jaǵdaılar departamenti habarlady.
"24 aqpan saǵat 8:40-ta jedel basqarma púltine kópqabatty úıdegi páterlerdiń birinen 1994 jáne 1992 jyly týǵan eki er adamnyń óli tabylǵany habarlandy. Ekeýi de Shymkenttiń № 556/52 áskerı bóliminde qyzmet etken. Páter jaldap turǵan. Qajetti sot-medısınalyq saraptamalar taǵaıyndaldy" delingen departament taratqan habarlamada.
TJD málimetine qaraǵanda, úıdi jylytý maqsatynda gaz plıtasy qoldanylǵan. Saldarynan páterde tabıǵı gaz ıisi tarap ketken. Soǵan baılanysty TJD-nyń úsh qyzmetkeri men polısıa departamentiniń tórt qyzmetkeri jumyldyrylǵan.
Pikir qaldyrý