Horezm oblysynyń Úrgenish qalasynda QR premer-mınıstri Asqar Mamın Ózbekstannyń premer-mınıstri Abdýlla Arıpovpen kelissóz ótkizdi jáne Qazaqstan men Ózbekstannyń aımaqaralyq yntymaqtastyǵynyń İİ forýmyna qatysty, - dep Rrimeminister.kz habarlady.

– Bizdiń kóshbasshylarymyzdyń saıası kóregendiliginiń arqasynda Qazaqstan men Ózbekstan arasyndaǵy strategıalyq áriptestik sapalyq turǵyda jańa deńgeıge jetti, – dedi A. Mamın.

Qazaqstan Úkimetiniń basshysy ekijaqty saýda aınalymyn odan ári ulǵaıtý boıynsha qol jetkizilgen ýaǵdalastyqtar qazirgi ózara múddelerdi belsendi júzege asyrý jáne jańa baǵyttaryn izdestirý qajettigin kórsetip otyrǵanyn aıtty.

Kezdesý barysynda saýda-ekonomıkalyq, ınvestısıalyq, aýyl sharýashylyǵy, tranzıttik-kólik, sý-energetıkalyq, toqyma, mashına jasaý, týrısik, ekologıalyq salalarda, sondaı-aq qarjy tehnologıalary men aımaqaralyq yntymaqtastyq salasyndaǵy ekijaqty yntymaqtastyqty ári qaraı damytý keleshegi talqylandy.

A. Mamın men A. Arıpov «Agroónerkásiptik kooperasıa, ónerkásip jáne týrızm salasyndaǵy aımaqtyq bıznestiń yntymaqtastyǵy» taqyrybyndaǵy QR men ÓR Aımaqaralyq yntymaqtastyǵynyń II forýmynyń qorytyndy otyrysyna qatysty, sharaǵa 300-den asa adam — memlekettik organdardyń, óńirlerdiń basshylary men eki eldiń iskerlik orta ókilderi jınaldy.

QR Premer-Mınıstri Shymkent qalasyndaǵy «Ońtústik» AEA bazasynda jeńil ónerkásip boıynsha Qazaqstan-Ózbekstan klasterin qurý, Túrkistan, Tashkent, Samarqan, Buhara jáne Horezm oblystaryndaǵy týrısik nysandar boıynsha birlesken týrısik baǵyttar ashý, kóterme-taratý jáne agro-logıstıkalyq ortalyqtardy birlesip damytý boıynsha bastamalar kóterdi.

A. Mamın eki eldiń tranzıttik-kólik jáne logıstıkalyq salalardaǵy yntymaqtastyǵyna erekshe nazar aýdardy.

– Qazaqstan úshin sizdiń el – Ońtústik Azıaǵa shyǵý joly, Ózbekstan úshin bizdiń aýmaq – EAEO jáne Ońtústik-SHyǵys Azıa, Kavkaz ben Eýropa elderiniń naryǵyna shyǵý múmkindigi, – dep Mamın atap ótti.

Forým sońynda ekonomıkalyq yntymaqtastyqty damytý týraly 52 qujatqa, onyń ishinde Forýmnyń Qorytyndy deklarasıasyna, sondaı-aq mashına jasaý, aýyl sharýashylyǵy, qarjy-bank, ónerkásip, ınfraqurylym, farmasevtıka jáne basqa da salalarda jalpy somasy $500 mln jýyq bolatyn vedomstvoaralyq, aımaqaralyq jáne komersıalyq kelisimderge qol qoıyldy. 

Forým eki eldiń iskerlik orta ókilderine B2B (business-to-business) formatynda kezdesýler ótkizip, arnaıy uıymdastyrylǵan kórmede ózderiniń óndiristik jáne ınvestısıalyq múmkindikterin pash etýge múmkindik berdi.