Qazaqstannyń bas sanıtarlyq dárigeri Ońtústik Koreıada koronavırýstyń epıdemıologıalyq jaǵdaıy nasharlasa, elde budan da qatań sharalardy qoldanady.  Bul týraly densaýlyq saqtaý mınıstri Eljan Birtanov BAQ ókilderimen kezdesýde aıtty.

– Biz Ońtústik Koreıadaǵy jaǵdaıdy qadaǵalaımyz. Ótken táýlik ishinde ósim aldyńǵy kúnmen salystyrǵanda shamamen 48% qurady. Bul óte joǵary qarqyn. Ókinishke oraı, ósý tendensıasy bar. Qytaıda ósýdiń eń joǵary qarqyny táýligine 65-70% boldy. Sondyqtan jaǵdaı nasharlasa jáne pasıentter sanynyń ósý qaýpi tónetin bolsa, biz taǵy da batyl sharalar qoldanamyz, – dedi Birtanov.

Onyń aıtýynsha, Ońtústik Koreıada 30 myń Qazaqstan azamaty bar. Eger olardyń 25 myńy oralǵysy kelse, onda medısınalyq mekemelerde pasıentterge arnalǵan oryndar jetispeýi múmkin.

– 25 myń adam elge oralǵysy keledi delik. Bul úlken kórsetkish. Búginde bizdiń juqpaly aýrýlar emhanalarynda 7 myńǵa jýyq rezervtik oryn bar. Al, medısınalyq mekemelerde shamamen 3500 adam karantınge shyǵa alady. Eger bul kórsetkishten asyp ketse, onymen qatań jumys jasaımyz, bizdiń de óz ádis-tásilderimiz bar, – dedi mınıstr.

Ol Qazaqstan koronavırýspen aýyratyn jalǵyz elden alys ekenin aıtty.